12 الذكاء الاصطناعي غير ناضج بالكامل بعد

مساء الخير، إحنا وصلنا للحلقة الأخيرة من سلسلة "ما ما يجب أن يعرفه القادة بالنسبة للشركات والمؤسسات الحكومية كاستراتيجية الذكاء الاصطناعي".

إحنا اتكلمنا على أن الذكاء الاصطناعي غير ناضج حالياً. ده كلام ده كلام أكيد، بس كلمة الذكاء الاصطناعي بوجه عام غلط. يعني الذكاء الاصطناعي إحنا سميناه أن هو "domain-specific technology". يعني تقنية خاصة بمجالات معينة. بمعنى، إنت ممكن تشوف الذكاء الاصطناعي متطور جداً في في الطب، بس تقول يا سلام، الذكاء الاصطناعي متطور في الطب، غلط برضه، لأن برضه الطب متقسم لأقسام، أمراض القلب أو بالمخ أو كذا، هتلاقي مثلاً الذكاء الاصطناعي متطور في القلب، أمراض القلب أو حتى صحة القلب عن صحة المخ وهكذا. فالذكاء الاصطناعي ما تقدرش تحكم عليه بشكل عام إن هو متطور جداً أو حتى ناقص أو لسه في أوله، بس بشكل عام أنا أقدر أقول لك إنه في أوله في معظم المجالات.

طيب، مادام الذكاء الاصطناعي لسه في أوله، هل أنا ممكن أخد أخذ قرارات خطيرة أو قرارات استراتيجية ممكن تأثر على مؤسستي أو على المؤسسة الحكومية أو الشركة بشكل إن ممكن تأثر على العائد أو تأثر على الشركة بعد 3 سنين، 5 سنين؟ أنا لا أنصح بذلك.

الذكاء الاصطناعي زي ما زي ما قلت لك، ادرسه بكل مجال، إيه المجال اللي أنا فيه كشركات وإيه الشركات اللي أنتجت الذكاء الاصطناعي في المجال ده، وإيه اللي ممكن أنا لو خدت الذكاء الاصطناعي بالشكل ده هيطورني خلال 6 شهور مثلاً، سنة، 3 سنين، 5 سنين، الخطة دي لازم تبقى موجودة. إنت ممكن تعرف الذكاء الاصطناعي، ممكن حتى نفسه ممكن تسأل الذكاء الاصطناعي بأي ذكاء اصطناعي، اللي بيسموه "AI Assistant"، ممكن تسأله، طب الذكاء الاصطناعي هيوصل فين؟ أو بتسأل خبراء الذكاء الاصطناعي، الذكاء الاصطناعي في المجال بتاعي هيوصل فين بعد 5 سنين، 3 سنين؟ عشان أعمل خطة تواكب حاجاتي أنا كاحتياجات الشركة كمؤسسة أو حكومة بعد 5 سنين هيحصل إيه.

يعني أنا هاديك مثال بسيط، وطبعا الناس كلها دلوقتي رايحة على "LLM" (Large Language Models)، اللي هي كلها اللي هي معظم الـ "Generative AI" معتمدة عليها. لكن أنا حابب أقول لك إن الـ LLM دي حاجة من اتنين لعبت أساساً، لأنها تتطور بشكل قوي يا أما الـ LLM نفسها مش هتككمل. ليه؟ الـ LLM أن الذكاء الاصطناعي بيحاول يعمل محاكاة لمخ الإنسان. الـ LLM يعني لو قلنا هم مثلاً محاكاة لمخ الإنسان مثلاً من 10، الـ LLM ممكن تاخد ممكن تاخد 1 أو 2 من 10، بالدرجات دي. في 28 موديل غير الـ LLM غير الـ LLM نفسه شغالين عليه شركات وجامعات عالمية من ضمنها الـ MIT أو أكسفورد، يعني الجامعتين دول شغالين عليه. بس برضه الـ AI بيعتمد على الهاردوير والسوفتوير، يعني لازم يكون في هاردوير يواكب الموديل اللي عايز يغيره. فمعظم حتى الهاردوير الموجودة حالياً هي الـ LLM، كل الناس رايحة على الـ LLM. هل الـ LLM ده هو المستقبل للذكاء الاصطناعي؟ لا.

أنا بأكد لك الكلام بس طبعا بنتكلم على 5 سنين من دلوقتي مش مش دلوقتي يعني، فالإل إل إم هيتطور يا إما يتطور بشكل جذري على ما هو عليه يا أما يتلغي تماماً الـ LLM ويطلع موديلات غيرها. أنا أنا يعني باخد يعني توقعات الاتنين، الاتنين هيرصلوا (هيوصلوا) يعني هيتطور الـ LLM وبرضه هتطلع موديلات تنافس الـ LLM بالنسبة للـ Generative AI، بالنسبة طبعا للذكاء، طبعا ما كلمناش على الذكاء العام، اللي هو "General AI" أو الذكاء الاصطناعي العام برضه ده برضه مجال واسع.

المهم، فإنت عشان ما الشابك (هتشابك) كتير الذكاء الاصطناعي لسه في أوله، فما تتخدش قرارات بشكل جذري إن إنت بتغير أقسام بالكامل أو تغير استراتيجي بالكامل وكذا، خد ادرسه مجال مجال، كل واحد بمجاله وخد راحتك في تطبيق الذكاء الاصطناعي وأنا رايي ما تصرفش كتير، اصرف على بروتوتايب (Prototype)، يعني إيه؟ تجربة معينة على الذكاء الاصطناعي في مجال معين، ويستفيد منها وبعدين طبق واحدة واحدة على المؤسسة، بس ما تنطش مرة واحدة على الذكاء الاصطناعي، وشكراً، يبقى كده خلصنا السلسلة.

أرجو أنكوا تستفيدوا منها. أنا كل حلقة حطيتها أو حطيتها على الـ LinkedIn، بس برضه كل الحلقات حطيتها على الـ YouTube Channel كلها هيبقى موجود الـ 12 حلقة، عشان لو عايز يشوفهم من 1 لـ 12 هيلاقيها على الـ YouTube Channel. وشكراً ليكو.