برنامج اوقاتى بتحلو 2

يا مساء الخير والسعادة على حضراتكم، أهلًا بكم وحلقة جديدة وأوقات بتحلو. بصوا الموضوع اللي هنتكلم فيه النهارده موضوع مهم جداً، إحنا بقالنا فترة بنتكلم عنه، وناس كتير بتتكلم عنه الحقيقة بس بتتكلم عنه شوية بتخوف، شوية بكلام سلبي. إحنا النهارده بقى ويمكن الستات كلها هتجمع في الحلقة دي، إحنا هنكلم عنه بشكل إيجابي شوية وكلام مهم جداً للستات. الذكاء الاصطناعي، وهل الذكاء الاصطناعي ممكن يفيد في تطور الشيخوخة وزيادة الجمال عند الستات؟ تفاصيل كثيرة هنعرفها من خلال هذا اللقاء اللي بيشرفنا فيه المهندس عاصم حجازي. مساء الخير يا بشمهندس.

مساء النور.

إزاي حضرتك؟

إزاي حضرتك؟ تمام، شكرا على الاستضافة.

أهلًا بيك ومنور الدنيا كلها. موضوع غريب، يعني بقالنا فترة بنتكلم عن الذكاء الاصطناعي، بس واخدين له زاوية محدودة شوية والحقيقة كلها مش إيجابية، يعني فيها أكثر السلبي. خلينا نعرف بس الذكاء الاصطناعي؟

طيب، هو فعلاً دائماً بيتكلموا عن الذكاء الاصطناعي هيحل مكان الإنسان والكلام ده كله. أنا عايز أبسط الذكاء الاصطناعي حتى لو أخدنا وقت شوية عشان الناس هتقتنع أن الذكاء الاصطناعي هو إيجابي أكثر من سلبي. الذكاء الاصطناعي بدام من زمان، من زمان قوي 40 50 سنة، كان بدأ بإيه؟ بأن هو عايز يعمل يقلد إزاي الإنسان بيفكر. تمام. فبدأ بحاجة زي مثلاً الشطرنج، كان في لغة اسمها برولوج قديمة قوي، وحتى فيها آدم منها، أن بنخذ بيدرس الشطرنج بيشتغل إزاي، حركة الحصان مش عارف إيه، يدخل الحركات دي كلها عبارة عن معادلات، ودخلها في تري، ويقول لك والله بدام هو حرك الحصان كذا يبقى هيحصل كذا، لو هو حركه كذا احتمالات. وبدأ فعلاً الناس تبدأ تلعب مع شطرنج وقال لك هو ده بقى الذكاء الاصطناعي. الذكاء الاصطناعي حاجة مهمة جداً، تطور الذكاء أو الفكر الاصطناعي، عشان أقول لك الفكر الاصطناعي بمعناه إيه، أن الذكاء الاصطناعي ممكن يبقى غبي، آه. فكلمة ذكاء اصطناعي يمكن شوية مبالغ فيها هو فكر اصطناعي وتطور وقال لك بقى الذكاء الاصطناعي. الذكاء الاصطناعي تطور مع حاجة مهمة جداً هي معرفة مخ الإنسان بيشتغل إزاي، فتلاقي الكيرف بتاع معرفة مخ الإنسان بيطور إزاي، بدأ الذكاء الاصطناعي يطور بأن هو يقول لك: لا، إحنا هنعمل تري ليه ومش عارف إيه ومعادلات، لا، ده خلينا نخش نشوف المخ بيشتغل إزاي، مخ الإنسان. تطور الذكاء الاصطناعي أو الفكر الاصطناعي هو موازي لمعرفة مخ الإنسان بيشتغل إزاي، بس مش موازي بكيرف ماشي مثلاً كيرف معرفة مخ الإنسان كده والذكاء الاصطناعي طالع معراه، لا، ده أخد مراحل، ليه؟ لأن الذكاء الاصطناعي محتاج زي ما بقولك معادلات وألغورزم عشان يترجم إزاي المخ أو يستنسخ المخ بيشتغل إزاي، بس محتاج هاردوير، يعني زي المخ كده أنت محطوط مخك في خلايا عصبية، اه، في خزائن موجود وفي تفاصيل محيطة بالمخ وفي خلايا والمخ نفسه ده عبارة عن إيه؟ الهاردوير نفسه، فكان تطور الذكاء الاصطناعي بطيء شوية لأن الهاردوير الموجود أو الأجهزة عشان تعالج إزاي الذكاء الاصطناعي أترجم مخ الإنسان كانت بطيئة. تمام. خلاص، فبدأ يمشي الذكاء الاصطناعي واحدة واحدة، أفهم مخ الإنسان بالـ MRI والاسكان والحجات اللي كانوا بيحطوها المكسات ده بقى يفهم مخ الإنسان مخ الإنسان بيشتغل إزاي، ويجيوا بقى علماء مين؟ علماء المخ والأعصاب مع علماء البرمجة وعلماء الرياضيات بالذات، عشان أترجم إزاي مخ الإنسان بيشتغل داخل الكمبيوتر. داخد وقت، خلاص؟ تمام. المهم، فبدأ التطوير ده، يعني علشان أطور الكمبيوتر، ده كان محتاج أن أنا أشتغل على مخ الإنسان بيشتغل إزاي، وبالتالي أطور أطور من الآلة اللي أنا اللي أنا بعملها؟ بالضبط. الأساس هو فهم إزاي مخ الإنسان بيشتغل، ده الأساس، مش الأساس علم الذكاء الاصطناعي، عشان نفهم، خلاص؟ معناه أن أنا بستنسخ إزاي مخ الإنسان بيشتغل. تمام. مخ الإنسان سبحان الله معقد جداً، فعشان أنا أوازل الكلام ده محتاج بقى أجهزة كثيرة ومحتاج معادلات كثيرة وبرمجة كبيرة عشان حتى أتعرف 1% إزاي الذكاء الاصطناعي، قصدي مخ الإنسان بيشتغل، من الذاكرة، مركز البصر، الخلايا اللي جوه، اللي هو خلايا العصبية بالضبط تتصل ببعضه، سموها نيورال نتورك، المهم، ففضل هذا التطور بيعمل إيه؟ موجود جوه أجهزة، بس بيكلمش الإنسان.

طيب، هل الإنسان يقدر يتعلم أي حاجة؟ سؤال. أنت كإنسان تقدر تتعلم أي علم؟ صح. طب مادام أنا هستنسخ مخ الإنسان، يبقى الذكاء الاصطناعي أو الفكر الاصطناعي يقدر يتعلم أي حاجة، فبدأ قال لك: تعال بقى، إحنا عايزين نشوف المخ ده بيشتغل إزاي وهنترجمه وهنعلمه، دي بيسموها الديープ ليرنينغ (Deep Learning) والماشين ليرنينغ (Machine Learning) والكلام ده كله، عشان يعلم الذكاء الاصطناعي اللي هو بيشتغل زي مخ الإنسان، صح؟ بس تعلمه وطريقة تعلمه وطريقة فكره وطريقة الميموري نفسها لسه كانت بتطور مع، صحيح صحيح، أفهم وأعدل، أفهم وأعدل. آه، بدليل إنه أنا اللي أنا اللي صنعت ده، يعني أنا اللي عملته، وأنا اللي بطور، وأنا اللي كل سنة بعمل مدخلات جديدة لأني أنا اللي هغزيه. بس بسبب إيه؟ بسبب معرفة مخ الإنسان. مخ الإنسان، خلاص؟ لازم نفهم الكلام ده عشان نعرف أن الذكاء الاصطناعي هو استنساخ لمخ الإنسان، مخ الإنسان. طيب، إيه اللي مرة واحدة فجر الدنيا؟ آه. إيه اللي فجر الدنيا؟ وأنا ب- بعتبر أن شركة أوبن إي آي (OpenAI)، اللي هي شات جي بي تي (ChatGPT)، غيرت العالم. الناس دي كانت شغالة بتقول لك: إيه؟ طب ما الذكاء الاصطناعي محبوس جوه جوه ماشين، تمام. أنا عايزه يكلم الإنسان، ما أنت كمخ فيك حواس، أبدأ أكلم معاك، صح؟ فبدأ يقول لك: لما أنا علمت الذكاء الاصطناعي بأي حاجة، العلم مثلاً الطب، علم الهندسة، بدأت أنا، على فكرة ده شغال من زمان، إحنا بنعلمه بس بنسأله النص، يعني إيه؟ يقرأ كتب، يقرأ مصادر علمية. صحيح، صحيح، صحيح. طيب، قال لك: طيب أنا دلوقتي النص، معالجة النص دي، أنا عايز أخليه بقى هو يبدأ يكلم الإنسان، يعني الإنسان يسأله: أنت اتعلمت إيه؟ فيرد عليه. فجت هنا فكرة شات جي بي تي. اللي جه من كلمة جينيريتف إي آي (Generative AI)، جينيريتف إي آي، ده فرع من الإي آي، وفرع برضه هو طلع من حاجة اسمها إن إل بي (NLP)، بس أنا مش عايز أدخل المشاهد في الكلام ده كله، صحيح، خلاص؟ الـ Generative AI هو اللي طلع شات جي بي تي، خلاص؟ شات جي دي معتمد على الجينيريتف إي آي، بس شات جي بي تي عمل حاجة خطيرة أوي، قال لك: طب ما أنا تعالى، أنا علمت أهو شات جي بي تي علمته من جميع العلوم، سواء إن كان غلط أو صح، المصدر مش مشكلة، ليه بقى؟ هو عايز يخلي الإنسان لما ييجي يكلم الراجل ده يرد عليه في كل حاجة. فغذاه بمعلومات، بغذاه بمعلومات، هل هي صحيحة 100% مش صحيحة؟ هو حاول بقدر الإمكان ياخد من مصادر صحيحة، خلاص؟ علمه بقى، آه آه آه هو دلوقتي يقول لك حتى لما تيجي تديله اسم دواء، فيقول لك: الدواء ده بيستخدم لكذا وكذا وكذا، وإذا زادت الجرعة يرجى مراجعة الطبيب المختص. ممتاز، خلي بالك، ده علوم بشكل سطحي، لو دخلت معاه تعمقت أكثر هتلاقي بيغلط، لأن كمية المعلومات اللي دخلت من كل حتة، من كل حاجة اسمها، من كل دومين، صحيح، صحيح، صحيح. إم. أوكي؟ خلاص، أو كل جهة في الحياة، أو كل مجال هو بياخد إيه بيتعلم جزء، خلاص؟ إحنا فهمنا، فهمنا، ومشيين مع حضرتك كده تمام. همشيك بقى على الحتة الجاية: الـ شات جي بي تي، أنا قلت لك الذكاء الاصطناعي يعتمد على اثنين: المعادلات، اللي بقولك عليها، الذكاء الاصطناعي بيعتمد أول حاجة على الرياضيات، علماء الرياضيات هم أهم ناس في العالم في الذكاء الاصطناعي، عندك علماء رياضيات وعندك علماء مخ وأعصاب هنطور الذكاء الاصطناعي، همم. في الآخر، ومبرمجين، عشان بس يترجموا الحجات دي، تمام. من معادلات لوغاريتمات، واللوغاريتمات في الآخر بتترجم لمعادلات. نفهم بس اللوغاريتم، اللوغاريتم هو أن أنا إزاي أخد النص ده وأعالجه بطريقة معينة، زي ما الإنسان بيعالجوا، عشان أقدر أخلي الذكاء الاصطناعي يفهم النص ويجاوب. تمام. اللوغاريتمات دي منتشرة في كل حتة، خلاص؟ بس برضه معادلات، اللوغاريتم في الآخر معادلات رياضية بيخدها يترجمها على اللغة، خلاص؟ تمام. يعني أنا عشان أطور الـ Generative AI، قلت لحضرتك، لازم أجيب هاردوير. قال لك: بص، دي مصيبة. قال له: ليه مصيبة؟ قال لمه مخ الإنسان عشان آخذه أقلده في 10%، أنا محتاج أجهزة يعني كثيرة، وعشان كده بيقول لك الأجهزة دي غالية جداً ومش عارف إيه والكلام ده، صحيح. لأن حضرتك في البداية قلت إنه مخ الإنسان معقد جداً وعصبياته صعبة جداً، آه، الجينيريتف إي آي بالوجود فيه ليله، يمكن ما تجاوزت 10 أو 20% من إزاي مخ الإنسان معقد، سبحان، بس لحد دلوقتي هو بيطور. فبدأ الجهاز، الأجهزة مع السوفت وير يعمل ذكاء اصطناعي، أوبن إي آي طلعت، اللي هي شركة شات جي بي تي، طلعت أول حد بيتكلم مع الإنسان، اللي هو شات جي بي تي، فعملت طفرة، صحيح. خلاص، مع إن الذكاء الاصطناعي كان موجود قبل شات جي بي تي.