د. دينا النبلاوي برنامح من اول السطر

إننا أرحب بضيفي النهارده المهندس عاصم حجازي خبير الذكاء الاصطناعي، أهلًا بحضرتك يا بشمهندس. نورتني يا فندم. الله يخليك. النهارده كنا بنتكلم عن الحضارة الفرعونية بما أن افتتاح المتحف خلاص كمان يومين، ودكتور وسيم سيسي كان معانا في مداخلة قبل ما حضرتك تنورني، وكنا بنتكلم عن الحضارة الفرعونية وازاي احنا كنا متقدمين، وهل هما كان عندهم حاجة زي الذكاء الاصطناعي بتاعنا دلوقتي؟ أنا بصراحة ما أقدرش أفتي فيها، ما أقدرش أفتي إن الفراعنة لازم أدرس التاريخ بتاعهم. أيوة لا يعني إنا مثلاً كنا شعب متطور زمان حضارتنا الفرعونية كانت متطورة ومتقدمة على مستوى الحضارات يعني. فدلوقتي الذكاء الاصطناعي إحنا لأسف مجتمعنا المصري أو المجتمع العربي هو معمول لغرض معين، وأكيد حضرتك هتشرح ده واحنا بنتناقش، بس لأسف برضه في مجتمعنا دلوقتي العربي بما إنا بنشوف أن الناس بتستخدمه لضرر الناس، فده اللي أنا حابة أعمل عليه ألقي الضوء عليه مع حضرتك أكثر. أولاً، نخلي، أه نفهم مفهوم الذكاء الاصطناعي. بس عشان بسرعة عشان ما عندناش وقت، بس هو أصلًا شرحه يطول زي ما هنتكلم، الذكاء الاصطناعي هو استنساخ أو محاولة استنساخ لايه؟ مخ الإنسان. تمام. مخ الإنسان كده بيحاولوا يقلدوه عشان الفكر الذكاء الاصطناعي يقلد الإنسان أو يفكر زي فكر الإنسان، أنا بحاول يعني خلينا نقول إن هو الفكر الاصطناعي. والذكاء الاصطناعي أول حاجة إحنا قلنا بيعتمد على مخ الإنسان فدراسة مخ الإنسان وإزاي بيشتغل جم من علماء متخصصين في المخ والأعصاب، جم بعد كده علماء رياضيات ومات وكده اللي هما عايزين يترجموا إزاي مخ الإنسان بيشتغل من علماء اللي هما المخ والأعصاب عشان يدخلوها على الكمبيوتر، الكمبيوتر بيفرق واحد. والعلماء الرياضات لازم عملوا اللوغاريتمات وعملوا كده دخلوها مين؟ مع المبرمجين، اللي هو المبرمجين اللي بدأ يبرمج اللي هو علماء الرياضيات وعلماء اللوغاريتمات. الجزء الرابع في الذكاء الاصطناعي هو الهاردوير، فالأربعة دول متكاملين هو اللي بيطور الذكاء الاصطناعي في العالم، فما تستغربوش أن الذكاء الاصطناعي أو الفكر الاصطناعي هيوصل لمخ الإنسان وهيتعدى فكر الإنسان في السنين الجاية، يعني وفي حتى حالياً هو متطور شوية عن اسمه إيه ده، مخ الإنسان في بعض الأحيان.

طيب، هل مخ الإنسان ممكن يدرسه؟ ممكن يدخله في أي مجال؟ أه، ممكن يدرس علم، ممكن يدرس علم الطب، ممكن يدرس علم الهندسة، يمكن الزراعة، كل الكلام ده كله، فمعناه أنت ما تستغربش أن الذكاء الاصطناعي دخل في كل المجالات، بس بشكل مختلف، في شكل كويس، في شكل كده. دلوقتي إحنا دخلنا حضرتك قلت الشكل الوحش بتاعه. لأسف. لأسف بعض الناس بيستخدموه، بس أنا عايز أقول للناس الذكاء الاصطناعي الفوائد بتاعت عايز تطمن الناس بس في حة حضرتك تناقشت معايا فيها اللي هو في برامج يعني لأن إحنا برضه بنخاطب البنات والسيدات والكلام ده، وأغلب الناس اللي بتعرض للمضايقات دي بتكون سيدات، ففي برامج حضرتك قلت لي إن هي نزلت أو بدأت أن هم يفعلوها حاجة زي كده عشان تجيب أصل الموضوع، الصور المفبركة والحاجات الفيك اللي ممكن الناس تتعرض لها.

أنا هاقول حاجة مهمة قوي. تفضل يا فندم. كل النتورك اللي في العالم اللي شايفاها والسوشيال ميديا والكلام ده كله غير معدل الذكاء الاصطناعي. تمام. عشان كده بيحصل دلوقتي هجوم كذا، لأن كل الحاجات دي الذكاء الاصطناعي ممكن يخترقها زي ما حضرتك قلت. المستقبل هيبقى في نتورك خاص أو شبكة خاصة، مجرد أن الناس يدخل الفيديو بتاعه، هيدخل اسمه، وهيدخل حتى البصمة بتاعه، وهيدخل مصدر الفيديو. بحيث لما يجيلك الفيديو أنت تضغط على الفيديو تعرف المصدر بتاعه. فلو عرفت أن المصدر بتاعه مش الشخص اللي موجود في الصورة والذكاء الاصطناعي هيحلل الكلام ده، هيقول لك أصلًا الذكاء الاصطناعي الكلام ده فيك، الكلام ده مزور. الذكاء الاصطناعي حالياً ممكن يكشف أي فيديو مزور، الذكاء الاصطناعي نفسه، لأن هو عمل فيديو لبنت ولا عمل كده بأوضاع مختلفة، هو الذكاء الاصطناعي يكتشف أن ده معمول بالذكاء الاصطناعي، فالناس ما تخافش من موضوع أن هو طلع كده، أه هي هتشوف نفسها في حاجات غلط، بس دي أول ما توصل للجهات المختصة، الجهات المختصة بتستخدم الذكاء الاصطناعي لكشف أن الموضوع ده أصلًا معمول بالذكاء، فأي حد يهددك أو أي حد كده ما تخافش. خليه يطلعها باللي إحنا عايزين نوعية دايماً للناس، خليه يطلعها أكتر لأنه هيتكتشف أكتر، ومنعرف أصلاً مصدر منين طلع، يعني في أساليب دلوقتي البوليس العالمي والانتربول يعرفوا يجيبوه من بيته. فما تخافش أن أنت واحد جاي ههددك والكلام ده، لأن أصلًا الذكاء الاصطناعي يكشف إيه اللي اتعمل وإيه اللي ما اتعملش بالذكاء الاصطناعي.

طيب، دلوقتي برضه حضرتك عارف أن إحنا في مجتمعاتنا برضه بيتردد شات جي بي تي. إيه شات جي بي تي؟ وليه الناس، يعني في ناس مستوعبة أن هو ممكن يكون جزء من جهاز سئ أو حاجة زي كده، يقال كده، حضرتك هتفدني أكثر في ده. طيب، إحنا قلنا عايزين نغلد مخ الإنسان، خلاص. شات جي بي تي هو أول يعني ذكاء اصطناعي معتمد على حاجة اسمها جينيريتف إي آي، اللي خل الذكاء الاصطناعي يطلع من من جوه الأجهزة، ليبدأ يكلم الإنسان، فبدأ يكلمه إيه عن طريق النص. بس عشان أقلد الذكاء الم مخ الإنسان، حطيته في أجهزة كبيرة ومش عارف إيه، اللي هي موجودة في الكلاود بيسموها، وشات جي بي تي اللي أنت بتتكلميه ده، ده عباره عن بس إينترفيس، يعني واجهة عشان أخش على المخ الرئيسي اللي موجود في الكلاود. طيب، إحنا كام مشتركة عندنا في العالم؟ حوالي مليار. هل بقى بيقول لك أنا جاسوسية ومش جاسوسية والبرايفسي والكلام ده كله، في جزء منه أه، أنت مش مؤمن 100%، بس ما تخافش أن أنت تحط معلومات مش دقيقة أوي عنك مع شات جي بي تي حالياً، ما تخافش منه، وتتعامل معاه. شات جي بي تي متعلم بوجه عام، خلي بالكم الموضوع ده، بوجه عام وليس بوجه خاص. لما تيجي تسأله على مجال الطب، نظرة شمولية، لأن هو بيحاول يجيب ليه بقى؟ لأنه هو عايز يخدم أكبر عدد من المستخدمين عشان إيه؟ يشتركوا، ويتفاعلوا معاه بشكل أفضل. لو خشيت في مجال الطب بشكل عميق، شات جي بي تي مش هخادمك، خلي بالك من الموضوع ده. يعني ما فيش التخصصات الدقيقة قوي؟ التخصصات، ما هو بقى هتقول لك شات جي بي، عشان أقول لك هو إحنا قلنا علمناه بشكل عام، لازم أعلمه بشكل خاص، يعني يجيب كتب ومراجع ومثلاً عائليين كده، أدي له معلومات أقدر أن هو أدي له معلومات، أقول له بص، أنا أنا عارف أن أنت ذكي وكده، وأنت برضه عبقري هنا في الحِتة دي، بس تعالى بقى اتعلم على الحِتة دي، مثلاً أمراض القلب، أمراض الشرايين وكذا، فأعلمه في الحِتة دي، فيها حاجة اسمها فاين تييونينج (Fine-tuning) وراج، والكلام ده كله، بس أبسط حاجة اللي هي اسمها كاستم جي بي تي (Custom GPT)، أن أنت تحلل ملفات وتقول بص دي الحاجة اللي أنا عايزك تركز فيها وتبحث لي فيها وترد علي، خلاص. المستقبل، المستقبل في حاجة اسمها إي آي شيبس (AI Chips)، اللي هي شرائح الذكاء الاصطناعي. أبشر الناس أن كل واحد على وجه الأرض هيبقى عنده الذكاء الاصطناعي بتاعه، الكلام ده هيحصل من 3 لـ 5 سنين، يعني أنت مش هتعتمد على شات جي بي تي، هيبقى الذكاء الاصطناعي بتاعك أنت، عندك جوه الجهاز خاص بك أنت، كل المعلومات اللي خاصة بيك، أنت بقا خايف من البرايفسي وحد يسرق المعلومات دي كلها هختفي، فممكن حتى شات جي بي تي يقول لك: بص، ادي الذكاء الاصطناعي الخاص بتاعك، واللي أن أنت أحملك بقى على الكلاود ده هيتشال، ليه؟ لأنه تقليب مخ الإنسان حالياً صعب جداً يتععمل على أجهزة صغار، أكيد، بس خلال 3 لـ 5 سنين، الجهاز الكبير اللي احنا شايفينه، المخ الكبير ده في الإنسان، ربما هيصغر، يصغر ومبقى موجود عندك في الموبايل. وأنا بس عايزة أنا هذكر أسماء شركات، شركة آبل هي أول واحدة عملت الموضوع ده، حطت إي آي شيبس، آبل الجديد فيه إي آي، فيه ذكاء اصطناعي، وخاص بك أنت، بس اللي بيحصل أن أنت هو محصور بمعلومات معينة، لما تبدأ تسأله بره المعلومات دي، بيضطر برضه يرجع للكلاود، آبل كلاود، بس ده مؤقتاً. وأخطر حاجة في الذكاء الاصطناعي اللي جاي هي الإي آي شيبس، فأه أنت ممكن تخاف على البرايفسي وكدة المعلومات، أنا رأيي لو أنت خايف أوي على معلومات حساسة، ما تدخلهاش. تمام. أوكي؟ يعني الكنٹرول برضه في في إيد البني آدم؟ في إيد الإنسان، بس هو ما يخافش برضه بالذكاء الاصطناعي، لأن أنت عندك 700، إحنا لازم نثقف نفسنا يا دكتور عشان ما نخافش، نبقى فاهمين، عشان ما نخافش، لأن أحياناً بنعمل تصرفات برضه بعدم علم منا. هاقول لك حاجة. تفضل. هاقول لك حاجة بس ما حدش يزعل. الذكاء الاصطناعي هيصرف معاك بذكاء، هيصرفك بذكاء، هيصرف معاه بغباء، هيصرف بنفس الغباء اللي أنت بتتصرف معاه، بنفس الغباء، يعني الواحد قاعد يقول لي: "يهرج معايا، مراتي بتححبني ومش عارف إيه، وأنا بجري في الشارع والكلام ده"، الذكاء الاصطناعي حينزل لمستواه، ومش هيطلع بره، لأن هو حط إطار على الشخص هذا، الشخص ده، سوري يعني هلس، ويسألني. لو أنت ارتفعت بأسئلتك مع الذكاء الاصطناعي برقي عشان يطورك، لأن الذكاء الاصطناعي، خدوه مني، الذكاء الاصطناعي جاي يساعدك، الذكاء الاصطناعي مش هيقف ضدك، الذكاء الاصطناعي جاي، أنت أعتبر أن في واحد ذكي جداً بيساعدك، فما تبخلش على نفسك أن أنت تروح في مسائل معقدة يعني وتسأله، أنت مثلاً طالب عندك حاجات، دخل المنهج على الذكاء الاصطناعي وقول له: "اسألني أسئلة صعبة ممكن تيجي في الامتحان"، هيدي لك كل أسئلة أصعب من الوزارة. يعني نحطه في الحتة اللي تفيدنا يا جماعة، يعني إحنا دايماً زي ما قلنا، البني آدم هو اللي في إيده الكنترول، فأنت اللي بتتكلم، أنت اللي بتدخل المعلومات، أنت اللي بتسخر عايز توديه فين. أيوة. عايز تهمل بقا الذكاء الاصطناعي ومش عايز تستخدمه؟ هتوديه في حتة تانية بقا دي بتاعتك أنت. هيشتغل ضدك، صح؟ من الآخر، صح؟ لأن هو هيعتبر الشخص ده البروفايل، عشان كده أنت الموضوع أن هو المعلومات ما تقولوش بقا "أنا عندي كام في البنك، ومش عارف البنك مش عارف إيه والكلام ده كله"، لو أنت خايف يعني، لأن حتى الراجل اللي هو مدير الذكاء الاصطناعي اللي هو شركة شات جي بي تي، قال لك أن في واحد طالب، كان معادي واحد، وكتب شات جي بي تي "عاوز أقتله". آه. شات جي بي تي بلغ عنه البوليس. أيوة، أنا قريت فعلاً، أه قريت قريت الخبر. فأنت في حدود معاك، لأن هو متعلم على أفكار، وبيقدم على حاجات أساسية كويسة، أنت هتتجاوز الموضوع ده، هتلاقي شات جي بي تي بدأ يشتغل ضدك، فاهماني؟ انتشر برضو في الفترة الأخيرة أن هما بيقولوا شات جي بي تي في مهن معينة مش هتبقى موجودة وشات جي بي تي هيحل محلها. أولاً، شات جي بي تي ده جزء صغير قوي من الذكاء الاصطناعي الكبير. تمام، منظومة كبيرة. فشات جي بي تي ما يقعدش يتكلم على شات جي بي تي أنا عامل كذا، ده رقم واحد. رقم اثنين، أن هيتحل مكانه وظائف وكده، دي عملها شائعات كبيرة، عملها بعض الشركات عشان يقدر يبيع، أيوة. التالت حاجة مهمة جداً، طيب، أنا هاسأل سؤال لأي حد، أي رئيس دولة، إيه أخطر حاجة ممكن تواجهه داخل الدولة؟ هي البطالة، أكيد، صح؟ أكيد. بيجي الذكاء الاصطناعي يعمل له بطالة، هل الرئيس ده هيستنى أن الذكاء الاصطناعي يعمل له بطالة؟ لا، ولا هاعمل قوانين داخل الدولة، يعني مثلاً أنت عندك مثلاً شركة حجمها مليار جنيه، عندك الموظفين 50، مرة واحدة لقيتهم 10، هاقول لك ليه عملتهم 10؟ يقول لك أصل الذكاء الاصطناعي، أقول له: لا يا حبيبي، ما دام أنت عندك عائد بمليار يكون عندك مثلاً 40، أنا ممكن أسمح لك بـ 10 تشيلهم عشان الذكاء الاصطناعي أكثر من كده لا، فالدولة هي اللي هتلعب دور كبير مهم في أن أنت الذكاء الاصطناعي ما يحلش مكان وظائف داخل الدولة، كل دول العالم عارفة الكلام ده، البطالة مجرد ما ارتفعت هيحصل إيه؟ الرئيس هيتتشال أصلاً، يعني هو محصور مظاهرات، سلام عليكم وخلصت، حتى رئيس أمريكا نفسه، أكيد. لكن هو إحنا نحط إطار معين للذكاء الاصطناعي ما نتجاوزهوش. نعمله إطار منمق كده بحيث إحنا ما، ما يجيش على حاجة، ما يجيش على حساب اقتصاد البلد، بالضبط. مع إن أنت لو عندك بطالة، طب الناس هتصرف عليه منين؟ كل دول دايماً سياسات الدول أنها تحد من البطالة، أنا هجي أزود البطالة؟ أكيد لا، ما فيش حد عاقل هيعمل كده. أنت كشخص، عايز تحل مشكلة؟ اشتغل مع الذكاء الاصطناعي، خلي الجزء الصناعي الذكاء الاصطناعي جزء من حياتك، خليك ذكي، خليك لو هو ذكي هو هيساعدك، ويزيد ذكائك، ويزيد ذكائك ويزيد قوتك، خلي بالك إن هو أنت بتخاف منه ليه؟ ما أنت بتسأله هو بيساعدك أنت، مش هيروح يفضحك، يقول لك أنا أنا فلان عملت له كذا كذا وروح ناشر في السوشيال ميديا، ما انت بينك وبينه، عايز تبقى أذكى، اشتغل معاه أن هو مساعد ليك، مساعد ذكي ليك، مجرد المعادلة دي اتشالت هيشتغل ضدك، حتى الدولة، صح. أنا بتكلم على الدولة نفسها، مش بس بتكلم على الأفراد، فلو عملنا المعادلة دي البطالة صعب تتشكل باللي هما كاتبينه يعني. ان شاء الله، يعني يا دكتور والله أنا عايزة أقول لحضرتك بجد الاستضافة دي ما إحنا استفدنا أكيد منها، عايزة أقول لكم أن الوقت طار، وأنا ما حسيتش فعلاً بالوقت مع حضرتك، ولازم أتزع منك، وأعد برضه على الهوا أن حضرتك لازم تنورني في كذا فقرة، لأن إحنا بنطلع نثقف الناس، ونعرفهم، أصل الناس اللي ماسكة الذكاء الاصطناعي شوية ما بيعرفوش يوصلوا، ما بيعرفوش يوصلوا المعلومة بالضبط، إحنا مهمتنا بقى، يعني بشمهندس والنموذج الجميلة في مجتمعنا المصري والعلماء المصريين دول، أن إحنا بنحاول نبسط المعلومة لإخواتنا وأهالينا في البيت، عشان برضه ما حدش يضحك عليكم، ولا يقول لكم أي حاجة غلط، أو تسمعوا مجرد ما تسمعوا كلام تصدقوه، أو يترعبوا. بالظبط، ولا تترعبوا، ما تترعبش. هنطلع فاصل صغير ونرجع نكمل حلقاتنا من أول السطر.