1 برنامج آدم وحواء

«أي أول AI. الـ AI انتشر بسرعة رهيبة جداً في الفترة الأخيرة، يعني كنا بنسمع عنه كده كتكنولوجيا هتيجي لسة لكن هي دلوقتي بقت في إيد المستخدم العادي. الحقيقة ليه مميزات كتير، يعني منها إن احنا دلوقتي بنقدر نحل مشاكلنا، نعرف معلومات بطريقة فائقة السرعة. يمكن كمان في ناس بتستخدمه في أسئلة طبية لو في أدوية معينة أو أمراض معينة وبيرد علينا بسرعة وبقينا نستفيد الحقيقة منه بشكل كبير. لكن كل حاجة ليها مميزات وليها عيوب، فاحنا هنتكلم النهارده عن ازاي نستخدم الـ AI بشكل فيه إيجابيات لينا ولأفراد أسرتنا، وازاي نحمي خصوصيتنا وبياناتنا السرية بشكل فعال، وازاي أخطاره أو سلبياته علينا وعلى أولادنا في الاستخدامات المختلفة، وأسئلة كتير هنقاووبها النهارده عن الموضوع ده. معانا ضيفنا منورنا النهارده المهندس عاصم حجازي خبير الذكاء الاصطناعي، أهلاً بحضرتك يا بشمهندس.» [أهلاً بيك] «أهلاً بيك معانا. خلينا نرجع نتكلم الأول عن بداية الـ AI أو الذكاء الاصطناعي فكرته وظهرت إزاي وتطور إزاي لحد ما بدأنا احنا نستخدمه في موبايلاتنا في الأجهزة المختلفة.»

«هو بداية الذكاء الاصطناعي الحقيقية، عشان نختصر الذكاء الاصطناعي هو استنساخ لمخ الإنسان. يعني هو بيحاول يستنسخ مخ الإنسان بيشتغل إزاي؟ الذكاء الاصطناعي بيحاول يشتغل زي الإنسان، فاحنا ممكن نسميه الفكر الاصطناعي، لأن الذكاء الاصطناعي اللي بيسموه دلوقتي ممكن يعمل أغلاط، فالفرصناع مبني على فهم مخ الإنسان بيشتغل إزاي وازاي أترجم مخ الإنسان بيشتغل إزاي داخل الأجهزة؟» [مم] «فده طبعا بدأ بفهم مخ الإنسان بيشتغل إزاي عن طريق اللي هم طبعا علماء المخ والأعصاب وكذا، وبعدين جم علماء الرياضيات عشان يترجموا إزاي مخ الإنسان بيشتغل على الكمبيوتر مع المبرمجين. تمام فدول الجزء الأساسي. بعد كده طبعا جزء من الجزء الصناعي أو الفكر الصناعي هو الأجهزة، لازم أنت برضه تقعدها في أجهزة. فـ يعني هتقولي أول حاجة هو علماء المخ والأعصاب إزاي فهموا المخ، بعدين جم علماء الرياضيات اللي عندهم علماء في الكمبيوتر برضه يترجموها على الكمبيوتر، وبعدين جم المبرمجين عشان يعملوا برنامج زي شات جي بي تي. والجزء الرابع هو اسمه إيه ده؟ الأجهزة. أنا بس عايز أقول للناس الذكاء الاصطناعي مش شات جي بي تي. مع كل واحد بيقول لك الذكاء الاصطناعي» [هو ده حاجة، ده حاجة، وده حاجة؟] «لا، الذكاء الاصطناعي شات جي بي تي جزء من الذكاء الاصطناعي. هو بيعتمد على حاجة اسمها جينيريتيف إي آي، اللي هو بيكلم الإنسان، بس مش ده مش ده الذكاء الاصطناعي، الذكاء الاصطناعي مخ قصدي حاجة كبيرة جدا، وهيعخش في حياتنا كلها واحنا كتطبيقه على الإنسان أو احتكاكه بالإنسان نقول إحنا لسة في البدايات، فإحنا لسة قدامنا وقت كبير عشان نشوف الذكاء الاصطناعي داخل في مجالاتنا الحياة كلها. أه يعني هو كده إحنا مستخدمين منه جزء؟ جزء صغير جدا، يعني إيه الاجزاء اللي احنا بنتعامل معها ذكاء اصطناعي في حياتنا اليومية غير الشات جي بي تي؟ بص يا فندم، الذكاء الاصطناعي بعد، أنا بقول كلامك مثلاً دلوقتي على خمس سنين، من دلوقتي. الذكاء الاصطناعي الخطورة فين؟ هيبقى في حاجة اسمها إي آي شيبس، اللي هي الـ ... اسمه إيه يا ربي بالعربي؟ الشروحات أو الـ ... اللي هي الذكاء الاصطناعي جوه الشيب. خلاص؟ الذكاء الاصطناعي ما يكون جوه الشيب هيبقى إيه موجود؟ يعني دلوقتي حالياً الذكاء الاصطناعي موجود في شات جي بي تي في الكلاود، حاجة كبيرة أوي إن هو بيقول لك إحنا بنخش نسأل الذكاء الاصطناعي، بس شات جي بي تي برنامج بياخد السؤال وبيطلعه على المخ الكبير اللي هو الأوبن إي آي وبعدين بيرد عليك. أه. لكن عشان نعمل الجهاز أو الذكاء الاصطناعي جوه شيبس، ده هياخد وقت. مم. بس الشيبس أو مجرد ما الذكاء الاصطناعي بقى جوه الأي آي شيبس، هيبقى جوه الموبايل، هيبقى جوه التلفزيون، هيبقى جوه الساعة بتاعتك، هيبقى جوه النظارة، هيبقى جوه الواي فاي، جوه الراوتر في العربية، في الطيارة، فده الذكاء الاصطناعي هيحوطنا من كل حتة. أه يعني دي التطوّرات اللي هتكون موجودة بعد كده للذكاء الاصطناعي، بس هي مش موجودة حالياً يا بشمهندس؟» [مش موجود، لا لا، مش موجودة، لسة في بدايتها، يعني حضرتك مثلاً تخش تكلم التلفزيون، حالياً موجودة، بس هو بقى بيكون دي جوّاه زي مخ إنسان، وبيكلمك كإنه إنسان. دي هتكون موجودة في المستقبل إن انت بتكلميه كإنه إنسان، بتكلميه، بتكلمي التلفزيون، بتكلمي اللي هو الروبوتس،] «ده من خلال الأفكار، يعني في أنا سمعت إن ممكن من خلال أفكار الإنسان يفكر في حاجة ويوجّهها لجهاز، فالحكاية بتبقى قياس» «دي ممكن طبعاً، ممكن يحط لك حساسات هنا ويقرا إنت عايز إيه، ده حتى دلوقتي بيقرا الأحلام، أه بيقرا أحلامك ويقول لك إنت حلمت إيه وكذا، لا الذكاء الاصطناعي التطور بتاعه مخيف جدا، ليه؟ لأن الذكاء الاصطناعي بيطور نفسه. يعني أنت عملت مثلاً جهاز مثلاً طبي بالذكاء الاصطناعي، تجيب الذكاء الاصطناعي ويطور الجهاز الطبي المعمول بالذكاء الاصطناعي. فعشان كده التطور مرعب في الموضوع ده. وسريع، يعني كمان التطور هيبقى حواليّنا» [مم] «الذكاء الاصطناعي في كل حتة. وبس لسة دلوقتي إحنا لسة في البدايات، فالناس فاكرة إن هو شات جي بي تي هو الذكاء الاصطناعي. أه حضرتك قلت هو جزء منه؟ هو جزء منه. احنا مستخدمين إيه تاني؟ كاستخدام يومي غير الشات جي بي تي؟» «حالياً أنا مش شايف إلا شات جي بي تي والبرامج اللي زي زي جيمني وكوبايليت وبرامج اللي هي بتبقى موجودة على الموبايلات واللابتوب. برامج بتشتغل زي شات جي بي تي تقريباً، ده الأكثر استخدام، وبقى في برامج اللي هو إيه بتعمل لك فيديوهات، تعمل لك صور وكذا بتستخدم برضه الذكاء الاصطناعي. وده برضه ناس، وفي بقى يخش بقى أنت عارف الذكاء الاصطناعي معتمد على المجال، يعني أنت داخل في مجال المحامين، داخل في مجال التجارة، داخل في مجال فكل الذكاء الاصطناعي ليه مجال بتاعته، بس متطور عن مش كل الذكاء الاصطناعي في مجال متطور بنفس النسبة. طيب، هو في ناس كتير بتقول إن هو يعني الذكاء الاصطناعي أصبح مخيف، وأصبح في خطورة على الأيدي العاملة، أو مشكلة إنه يبقى في بطالة بعد كده، لأنه بيقوم بكل حاجة، فممكن هل ممكن فعلاً في المستقبل يمحي دور الإنسان، أو يقلل العمل الخاص بالأفراد المحتاجين عمل؟» «أنا هشيل الخوف ده من الناس كلها، أنا هسالك سؤال: رئيس دولة، أي دولة، دخل عليه أي منتج أو حاجة وسبب بطالة في البلد، هيعمل إيه في المنتج؟ هيقومه، صح؟ الحكومة هتحط قوانين، حتى قوانين الاستيراد لما أنت تكون بتصنع عربية محلية وفي عربية تيجي تنافسك فإيه؟ فتعالج جمارك وكذا عشان تحمي نفسك. البطالة لما تيجي عند أي رئيس دولة هيعمل إيه؟ هيوقف أو هيحط قوانين تحد من الحاجة اللي بسبب البطالة. فانت خايف من إيه؟ الذكاء الاصطناعي هيعمل بطالة، ده أكثر وحدة هتخاف على إن الناس تحصل لها بطالة هي الدولة نفسها والحكومة، واخد بالك؟ فأنت لو جا الذكاء الاصطناعي ما تخافش إن هو هيعمل لك بطالة، لأن مجرد حالياً في أمريكا كل شهر بيطلعوا نسبة الوظائف اللي اشتغلت في كل إيه في كل شهر، ودي على فكرة واحد من معد المؤشرات المهمة جداً للحكومة أو نجاحها. فدخل الذكاء الاصطناعي أو دخل أي حاجة وسبب بطالة الحكومة هتبدأ تحط قوانين تقول لك لا، يعني هاأقولك مثل، مثل، أقولك مثلاً إحنا دخلنا إيه روبوتات أو الإنسان الآلي، ندخله يا عم نعمل مطاعم، هنقول لك لا حبيبي، هيبقى نسبتك 70 لـ 30 مثلاً، 30% ذكاء اصطناعي أو روبوتس، و70% إنسان، ليه؟ لأن أنت لو دخلت أكتر من كده هيسبب لي بطالة، الناس دي هتفعله إزاي؟ هتعيش إزاي؟» [أه، يعني هيبقى في حدود يعني، قصدك] «في حدود، الحدود هتتدخل، قوانين عالمية هتتدخل، قوانين دولية وخاصة بكل دولة، لأن كل دولة ليها الذكاء الاصطناعي تطبيقاته مختلفة عن التانية، ممكن يابان تطبق الذكاء الاصطناعي بطريقة مختلفة عن مصر، على حسب كل دولة. فالناس متخافش من الموضوع ده، الموضوع ده بيّمس الحكومات وبيّمس يعني أصل الدخل زي ما بيقولوا إن الحكومات تبقى موجودة أو لا، أول ما يعلى البطالة هيحصل إيه؟» «الشعب نفسه كله هايكون هو هي عامة هي مخاوف وتساؤلات، لكن ما حصلتش فعلاً، فدي دي حاجات مستقبلية يعني إن شاء الله ما يحصلش حاجة» «هي هتحصل، أنا ما قلتش ما حصلتش، نسبة بسيطة، يعني هي هتصل أول يعني هيجي كيرف كده مرة واحدة إن ناس أه لا، إحنا ماقيناش وظائف، وبعدين بتلاقي إيه راحت مدخل قوانين تقيد الكلام ده» [تمام] «طيب، إيه المجالات الأكثر استخداماً للذكاء الاصطناعي؟ يعني حالياً، إيه المجالات اللي بنستفيد منها بالذكاء الاصطناعي أو المنتشره أكثر من خلاله؟» «في أنا يعني هو في جزئين منها، في جزء مخفي إحنا ما نشوفوش كـ، يعني عامة الناس، وفي جزء إحنا بنشوفه، الجزء اللي إحنا بنشوفه اللي هو إيه ده؟ مثلاً تعمل لك صور، تعمل لك فيديوهات، تعمل لك مثلاً دومنتس يعني تكتب لك مقالة، تكتب لك كذا، الكلام ده كله إحنا موجودين فيه. الجزء المخفي هو الأعظم من اللي إحنا بنشوفه، يعني أنا بقولك دلوقتي الذكاء الاصطناعي بيستخدم في الأسلحة، بيستخدم في الطب، بيستخدم في الهندسة، بيستخدم في علوم الفضاء، بس ده ما تقدرش تعرف إيه اللي بيحصل إلا تروح تقرا اللي بيحصل أو تكون متخصص في المجال ده. فدول جزئين، ده الجزء المخفي هيبدأ يخش على الجزء العلني، بمعنى» [إزاي؟] «بمعنى إنت دلوقتي بتقولي أنا أسأل مثلاً شات جي بي تي على الطب ومش عارف إيه وكذا كذا. شات جي بي تي على فكرة واخد بشكل عام عن كل مجال، مش واخد بتخصص. فهتضطر إنت كدكتورة مثلاً دكتورة عيون، هتروحي تقولي لا أنا عايزة برنامج متخصص في طب العيون بالذكاء الاصطناعي عشان يساعدني في مجالي. فتطلعي بقى من المجال العام للمجال التخصصي، وده اللي هيحصل في السنين الجاية، إن الذكاء الاصطناعي هيبقى متخصص في كل مجال ومختلف عن حتى ممكن يكون مختلف من مجال طبي لمجال طب، يعني ممكن يكون متطور في العيون أكتر من القلب مثلاً، واخدة بالك؟ فده اللي هيحصل المجالين دول، أنا رأيي بعد كذا سنة هيبقى يظهر بقى المجال اللي هو المخفي اللي احنا مش شايفينه، هيوصل حتى للعامه، إن انا ممكن إيه يكون عندي طبيبي الخاص، بس برنامج خاص متخصص في الطب، أخش له التقارير الطبية وكذا ويساعدني. تمام. هل الدراسة برضه، يعني دخل فيها الذكاء الاصطناعي، هل ممكن الطلاب يستفيدوا من خلاله ولا هيبقى صعب؟» «في جانب سلبي مرعب. أه ما أنا عشان كده يا بشمهندس في سلبيات في الحكاية» «السلبيات إنه هو بيرروح يعتمد على الذكاء الاصطناعي مثلاً يجاوب الأسئلة، يخليه يفكر مكانه، ومش عارف إيه، ده جانب مرعب من» [أه، اللي هو يعني ما يستخدمش عقله، يعني هو معتمد عليه] «وحتى في ناس بتحضر الماجستير الرسالة بتاعة الماجستير والرسالة بتاعة الدكتوراه بالذكاء الاصطناعي، ويقول له جاهز لي الأسئلة عشان لما يجوا الدكاترة يسألوني أجاوبهم، الكلام ده بيحصل، فيروح ياخد أطروحة وناجستير بسرعة من غير أي مجهود بقى، الجانب ده جانب سيء جداً، وحتى الأطفال نفس الحكاية ممكن يعتمدوا عليه، الجانب الإيجابي اللي أنت أصلاً ممكن تحاول الذكاء الاصطناعي لإيجابي من جانب من سلبي، مثال الذكاء الاصطناعي هو يسألك، يعني أنا متأكد هتوصل إن أنت تروح تحضر رسالة الماجستير دكاترة هيبقى موجودين بس هيبقى في ذكاء اصطناعي قاعد بيسألك هيتاكد من معلوماتك وده اللي هيحصل، لو أي دولة عايزة تطور مثلاً مصر عايزة تطور في الذكاء الاصطناعي، كتبت مقالة عنها، عايز تطور الذكاء الاصطناعي علم الأطفال من هو صغير إزاي الذكاء الاصطناعي، إنشاء الذكاء الاصطناعي، إنا إزاي اخترعت الذكاء الاصطناعي، الذكاء الاصطناعي بيعتمد على الرياضيات أو الماث، واخد بالك؟ بيعتمد شوية على الستاتس والإحصائيات والالجوريزم، الكلام ده ممكن أعلمه للطفل من هو صغير، أركز عليه، ومعرفة المخ الإنسان بيشتغل إزاي، يعني لو عرفت مخ الإنسان بيشتغل إزاي وكذا، والجزء الخامس خلي الذكاء الاصطناعي يتحداك في علمك، دي أنا لو لو الوزارات عملت الكلام ده، تقول له: أوكي، أنت متخصص في الكلام ده، حلو، أنا هسال الذكاء الاصطناعي يسألك، واخد بالك؟ فده ممكن يخلي بدل ما الطالب يبقى سوري يعني غبي ومعتمد بس على الذكاء الاصطناعي، لا، يخلي الذكاء الاصطناعي يرفع ذكائه، يعني ممكن يسأله أسئلة برة المنهج، ولو مش فاهم حته في المنهج ودي حاجة مهمة جداً، الذكاء الاصطناعي ممكن يبسط لك المفهوم بطريقة غير طبيعية، يعني أنا هاقول لك حاجة بسيطة أوي، طفل صغير مش فاهم منهج مثلاً الرياضيات، أنت ممكن تسألي شات جي بي تي وغيره تقول له: لو سمحت، أنا عايز أفهم المسألة دي بطريقة توم وجيري،» [أه،] «فأنا بتكلم» [يعني بيحدد له طريقة معينة ويجاوبه] «يطلع له مسلسل كامل عن توم وجيري عشان يفهمه المسألة الرياضية دي شغالة إزاي، فالطفل يفهم المسألة دي شغالة إزاي عن طريق توم وجيري، وممكن يعمل له في المستقبل يعمل له كارتون، فيلم كارتوني يفهمه المسألة دي، فممكن يبسط المفهوم لناس كتير، إحنا عارفين حاجات كتير مش فاهمينها في حياتنا، فممكن تسألي شات جي بي تي تقول له: طب بص، بقول لك إيه، أنا مش فاهم الكلام ده، اعمل لي كده فيلم مصري في خمس دقائق،» [أه، يعني هو بيحول يعني الموضوع] «بيحول بقى الحاجة المفهوم الصعب ده يسهله لك فيبقى على طول المعلومات تركز فيكي، ده الذكاء الاصطناعي المفروض يستخدم بالطريقة دي،» [دي دي الطريقة اللي ممكن حضرتك شايفها إن هي إيجابية، إن هي تبسط المعلومات بطرق مختلفة] «تبسيط المعلومة بطريقة الطفل يحبها، أو إحنا مثلاً لو واحد كبير مثلاً بيحب أفلام، أو بيحب موسيقى أو كذا، ممكن يوصلها بتكلم بجد، يكتب أغنية، أنا ما بهزرش، يكتب أغنية تشرح المنهج،» [كمان، يعني من خلال الأغاني، يعني حاجة جديدة،] «أه والله، اللي انت عايزاها بقى علم، تخيلي بقى يروح مثلاً تعال الفضاء، مثلاً مش فاهم مسألة في علم الفضاء، تقولي له: بقول لك إيه، اعمل لي فيلم إسماعيل ياسين مع كذا، يبسط لي مفهوم الفضاء، أنا بتكلم بجد، تروح جايب دي دمجها وتطلعي لك حاجة تفهميها، ده هو الذكاء الاصطناعي اللي يخليك أسكي ما أنت عليه، أما أن أنت بقى تروح تسأله وتقول له: حضّر لي الدوكومنتس دي ولا حضّر لي الماجستير ولا الدكتوراه ولا حضّر لي الأسئلة هيسالوه، خلاص أنت مخك بتركنه يعني» [يبقى مفيش تشغيل للمخ فعلاً أو أي مجهود أو أ] «مش يعني الذكاء الاصطناعي ممكن يخليك أسكي كل يوم، بالضبط، كل يوم.»