من يُقيّم الذكاء الاصطناعي العربي؟

مساء الخير، النهارده هنبتدي فيديو على حاجة مهمة جداً على الموديلات العربي أو الذكاء الاصطناعي باللغة العربية.

طبعاً معظم الموديلات دلوقتي بتتوجه للـ LLM تقليد لـ ChatGPT. بس هنبتدي من حاجة مهمة قوي؛ الدعم العربي أو الدعم العربي لـ ChatGPT أو DeepSeek أو Microsoft Copilot، كل الشركات الكبيرة دي اللي عملت لنا LLM بالعربي مشكورة على الجهد اللي عملته، وهي عملته بنفس الموديل اتجاه اللي هو اجمع معلومات على قد ما تقدر في جميع المجالات، وغذي المعلومات دي للذكاء الاصطناعي عشان تطلع موديل بالعربي.

لكن للأسف إحنا ما عندناش هيئة معايير عشان تقدر أو تقيم دعم اللغة العربية في النماذج الذكاء الاصطناعي من برة العالم العربي أو حتى النماذج العربية اللي بتطلع في العالم العربي. طبعاً كله كل المجهودات دي مشكورين عليها، أي حد بيشتغل على الـ LLM العربي مشكورين عليه. بس مين اللي بيقيم وبيقول لك والله النموذج العربي ده أو الذكاء العربي ده يوافق مثلاً القواعد العربية، والنحو والصرف، البلاغة، المعاجم، الاشتقاقات؟ اللغة العربية قوية وصعبة.

طيب أنا ليه إحنا بننادي بالكلام ده؟ لو حصل أي مشكلة، لو حصل أي مشكلة في العالم العربي أو الذكاء العربي وأنت سألت الذكاء العربي في مجال معين، في مجال مثلاً الثقافة، في مجال الدين بالذات، والذكاء الاصطناعي جابك بالغلط (نفترض ChatGPT أو غيره)، مين الملوم؟ مين المشكلة على مين؟

أنا رأيي المشكلة على العالم العربي؛ أنتقع عليهم ليه؟ لأن أنت لازم تحط هيئة معايير تقول له: والله لو أنت عايز تطلع اللغة العربية أو دعم اللغة العربية، لازم تدمج حاجتين اتنين: الخبراء في اللغة العربية مع خبراء الذكاء الاصطناعي. خبراء اللغة العربية مش بس معناها أن هو هيجيب دكاترة أو متخصصين، هيئات؛ هيئة مجمع اللغة العربية، وزارة الثقافة، وزارة الأوقاف، وفي كل دولة عربية اللي هم مفروض أنهم مش بس يوثقوا المصادر، ده أهم من كده أن هو يعملوا Evaluation (تستنج، فحص) الكلام ده شغال ولا لأ. ده مهم جداً على أساس أقول لك إنه النموذج العربي اللي أنت عملته موافق للعالم العربي، موافق لدولة عربية، موافق لهيئات ثقافة، هيئات تراثية، أو حتى هيئات دينية، يتم فحص الكلام ده ويتم توثيقه.

ده دعوة لكل مؤسسات اللغة العربية عشان دمج اللي هو بيسموه Human-in-the-loop أو الـ Human Expert، الخبرة بتاعت الموجودة في العالم وإحنا عايزين نحيي الكلام ده تاني لأن في خبراء مجملين جداً وفي كتب جميلة جداً في اللغة العربية عايزين ندخلها في الذكاء الاصطناعي وندمجها مع... بعد الذكاء الاصطناعي يبقى الخبرة مع الذكاء الاصطناعي.

طيب دي حاجة مهمة جداً. طب فرضا إحنا وثقنا وعملنا كل الكلام ده، دي حاجة مهمة جداً بالنسبة للأجيال الجاية. أنت فاكر أن يعني أنت شايف الأجيال حالياً كانت مندمجة كتير مع السوشيال ميديا، لكن بدأت تندمج مع مين؟ مع الـ AI Assistant أو كل الحاجات اللي هي نماذج الذكاء الاصطناعي بقت ChatGPT وغيره.

لو إحنا وثقنا اللغة العربية وعملناها بشكل قوي، والتراث المتعلق باللغة العربية والتراث المتعلق بالدول العربية والثقافة والدينية والكلام ده كله هنقدر نكون جيل فاهم اللغة العربية وفاهم أصول الدول وأصول التراث وحتى أصول الدينية على موثوقية (يعني إحنا واثقين تماماً أن الجيل ده هيندمج مع الذكاء الاصطناعي، فممكن نستغل الذكاء الاصطناعي لتعليم الجيل الجديد أو حتى التعليم الجيلنا أو جيل القديم أو أي حد يستخدم الذكاء الاصطناعي أن إحنا ندعم اللغة العربية، نعلمه اللغة العربية بشكل صح، نعلمه حتى التراث والثقافة الخاصة بكل دولة صح، ونعلمه بثقافة الدين).

أهم حاجة بس أنا دي حامعل عليها حلقة تانية، اللي هو طيب إحنا إزاي نوصل لموضوع أن هي تبقى متخصصة، يعني متخصصة دينياً، متخصصة تراثياً، متخصصة في كل دولة، الحاجة بيسموها بالفرق بين Creativity وReasoning.

وأنا مش هتعمق فيها كتير لأنه بس هاقول لك أن ChatGPT لما ابتدى، ابتدى بالكرايفتي (Creativity) اللي هو موسع، بشكل موسع مش متخصص. فدي إن شاء الله هنتكلم عليها في حلقات في المستقبل، واتمنى أن العالم العربي يأخد خطوة؛ لأن ده هيبقى لمصلحة العالم العربي وحتى لمصلحة أي واحد يستخدم اللغة العربية أو أي حاجة ليها علاقة باللغة العربية أو التراث، وشكراً ليك.