تناقش هذه الحلقة لماذا لا يمكن نقل تجارب الذكاء الاصطناعي الناجحة من دولة أو مؤسسة إلى أخرى دون دراسة. يركز عاصم حجازي على مراعاة القوانين والظروف الاقتصادية والسوق المحلي، واختبار الحلول وتقييم آثارها قبل التوسع في تطبيقها.
"مساء الخير. هنتابع الحلقات بتاعتنا عن استراتيجية الذكاء الاصطناعي بالنسبة للقادة. النهارده هنتكلم على أفضل الممارسات، يعني إيه؟ يعني شركات الكوبرا أو الشركات العالمية أو حتى الباحثين في الذكاء الاصطناعي داخل المؤسسات بيبصوا على أفضل ممارسات للذكاء الاصطناعي في دول أخرى.
بس دي حقيقة مفيش حاجة اللي هي جاهزة تطبق في الدولة الخاصة، وخاصة الدول العربية، لأن أنت عندك ظروف وعندك قوانين خاصة للذكاء الاصطناعي، وعندك ظروف اقتصادية خاصة للذكاء الاصطناعي. ما تقدرش تطبق الذكاء الاصطناعي اللي بيطبق في الخارج، على طول تاخده وتطبقه داخل الدولة عندك.
فلازم دراسة، ولازم نعمل اللي هو زي ما بقول testing أو فحص، ونقيم الذكاء الاصطناعي اللي جاي من أي شركة أو جاي من أي حتى حكومة عالمية ونشوف هل نقدر نطبقه على داخل الدولة عندنا ولا لا، لأن ساعات الذكاء الاصطناعي في دولة أخرى مثلاً دولة متقدمة صناعياً في مجال معين، ممكن تطبقه عندك يسبب عندك حالة اللي هو البطالة في مجالات معينة، أو حتى يأثر على اقتصاد عندك.
فدي حاجة مهمة جداً للقادة، ومن أبسط الحاجات عندك أنا يعني بنصح أن يكون عندك قسم للبحث والتطوير، اللي هو يشوف الممارسات العالمية دي، ممكن يكون حتى بزيارة الدولة دي، وتعمل قسم خاص للفحص، لفحص الذكاء الاصطناعي داخل الدولة، وتشوف مثلاً لو كانت تبع وزارة العدل أو وزارة الزراعة أو كذا، إيه التأثير عليها؟
وما أنصحش إنه تصرف فلوس كثيرة على موضوع زي ده لحد، لأن حاجة مهمة جداً إحنا ذكرناها قبل كده أن الذكاء الاصطناعي لسه في أوله، يعني مهما شفت من تطور وكذا، إحنا لسه في البدايات بتاعة الذكاء الاصطناعي، فإنك تاخد الذكاء الاصطناعي وتطبقه عشان عشان حصل ممارسات قوية ونجح في شركة أو مؤسسة حكومية أو دولة أخرى، ممكن ما ينفعش عندك خالص ويسبب مشاكل.
العائد الاستثماري بتاع الذكاء الاصطناعي طويل المدى، طويل المدى وليس قصير المدى، فحتى أنت لو عايز اللي هم يسموه ROI هياخد وقت عشان تشوف إيه العائد بتاع الذكاء الاصطناعي، فممكن الأفضل أن أنت تنتظر إيه اللي حصل في الدول الأخرى والحكومات الأخرى بالنسبة لممارسات الذكاء الاصطناعي، وتشوف مثلاً بعد سنة سنتين حصل إيه معاهم عشان برضه تتاكد من العائد الاصطناعي وتشوف تجاربهم وأخطائهم عشان تطبق داخل المؤسسة عندك أو الدولة. وشكراً ليكم."
أهم المفاهيم التي يحتاج القادة إلى فهمها لبناء استراتيجية مسؤولة وعملية للذكاء الاصطناعي، من جاهزية البيانات والحوكمة إلى دور الإنسان وقياس الأثر.
Explore article / post